لو معندكش كلب ،، يبقى ناقصك كتير
انت مجربتش تعيش مع كلب أو تربى كلب علشان تفهم الناس بتحب كلابها ليه...
انت مجربتش تكون مخنوق و مضايق و الكلب بتاعك ييجى جنبك و بتمسح فيك و يفضل يلف حواليك و ينط على حجرك علشان حاسس بيك من غير ما تتكلم..
انت مجربتش تفتح باب البيت تلاقى مخلوق فى منتهى السعاده بيستقبلك بفرحة و كأنه بيقول لك وحشتنى اوى خالص..
انت مجربتش لو حد زعق لك ..يهوهو عليه و كأنه بيقول له إلا ده اوعى تئزيه. .
انت مجربتش و انت نايم و تلاقيه نايم تحت رجليك و لو سمع خطوة غريبه يجرى و يشوف مين و يرجع يحذرك. .. .
انت مجربتش أن فيه مخلوق ممكن يضحى بحياته علشانك...
انت مجربتش الإخلاص و الحب و الوفاء من غير أى مصلحه أو هدف غير...إنه بس بيحبك...
مجربتش و انت وحيد بيكون لك ونيس...
فى الدنيا دى فيه بشر فى حياتك. ..عمرهم ما اتعلموا معنى الاخلاص و الحب و الحنان و التضحيه...
انت مجربتش و محستش أن ربنا ممكن يعوضك بكلب مخلص عن بنى ادم خاين
-( انظف واوفى مخلوق على وجه الارض )-
